ენერგეტიკის მინისტრი კახა კალაძე საკანონმდებლო ორგანოში საპარლამენტო უმცირესობის წარმომადგენლებს ხვდება. როგორც კალაძემ დეპუტატებთან შეხვედრისას განაცხადა იგი მზადაა ყველა შეკითხვას ამომწურავი პასუხი გასცეს.
კალაძემ დეპუტატებთან შეხვედრისას გაზიფიცირების საკითხზე ისაუბრა.
,,დღეის მდგომარეობით საქართველოში გაზიფიცირებულია 849 ათას 362 აბონენტი. აქედან ოჯახების რაოდენობით რომ ავიღოთ დაერთებულია 682 ათასი აბონენტი. Uუბრალოდ 849 ათას 362 აბონენტი დაქსელილია და შემდეგ ამას სჭირდება კონკრეტულ ოჯახთან დაერთება", _განაცხადა კალაძემ და აღნიშნა, რომ ,,სოკარი" წელს 25 ათასი აბონენტის გაზიფიკაციას უზრუნველყოფს.
,, ,,სოკარი" დავითანხმეთ, რომ წელს გააკეთებს 25 ათასი აბონენტის გაზიფიკაციას და დამატებით სახელმწიფო, კერძოდ კი ენერგეტიკის სამინისტრო. Gგვინდა შევქმნათ კომპანია, რომელიც გაზიფიკაციას გააკეთებს მთელი საქართველოს მასშტაბით და 2015 წლამდე გვინდა სადღაც მილიონ 50 ათასი ოჯახი იყოს გაზიფიცირებული", -განაცხადა კალაძემ.
