ბათუმში ძლიერი შტორმია, რომლის შედეგადაც ერთი მეთევზე დაიკარგა.
სამაშველო-სამძებრო სამუშაოები ამ წუთებშიც მიმდინარეობს. შტორმი წუხელ, 03:00 საათზე დაფიქსირდა. მისმა სიმძლავრემ 6 ბალს მიაღწია.
დატბორილია ბათუმის ზღვირსპირა - რუსთაველისა და ხიმშიაშვილის ქუჩები. ასევე, რესტორანი "უკრაინოჩკა" და "გრანდგრილი", აეროპორტის მიმდებარე ტერიტორია და ადლიის სანაპირო ზოლი.
ამასთან, სინოპტიკოსების განცხადებით, ძლიერი ქარი და წვიმა საქართველოს მთელ ტერიტორიაზე დღესაც შენარჩუნდება. ისინი გამოდარებას ხვალ, 25 მარტიდან პროგნოზირებენ.
