ხუთი წლის ბრიტანელმა გოგონამ მეცნიერებისთვის უცნობი სახეობის დინოზავრი პლაჟზე სეირნობის დროს იპოვა. მეცნიერებმა მფრინავ ხვლიკს მის საპატივსაცემოდ გოგონას სახელი დაარქვეს. ამის შესახებ „სქაი ნიუსი" იტყობინება.
დეიზი მორისი, რომელიც ახლა უკვე ათი წლისააა, კუნძულ უაიტის პლაჟზე 2008 წლის ნოემბერში სეირნობდა და მოულოდელად უცნაური ქმნილების ნაშთებს გადააწყდა. ადგილობრივი სპეციალისტის, მარტინ სიმპსონის განცხადებით, როდესაც 2009 წელს გოგონას მშობლებმა მას ეს ნაშთები მიუტანეს, ის მაშინვე მიხვდა, რომ საქმე რაღაც განსაკუთრებულს ეხებოდა და მართალიც აღმოჩნდა.
კვლევა რამდენიმე წელი გაგრძელდა და ამჟამად ირკვევა, რომ დეიზი მორისმა პტეროზავრების ახალი სახეობა აღმოაჩინა. ეს მფრინავი ხვლიკი, რომელიც დაახლოებით ყვავის ზომისაა, დედამიწაზე 115 მილიონი წლის წინ ბინადრობდა. ხვლიკს „უაიტელი დრაკონი" უწოდეს, ხოლო სახელის მეორე ნაწილი - დეიზი. მფრინავი ხვლიკის ფრაგმენტები უკვე განათავსეს ლონდონის მუზეუმში.