„ისრაელის სურვილია, ქართველ ტურ-ოპერატორებს ტურისტული ჯგუფებისთვის ვიზების მიღება გაუმარტივდეთ", - განაცხადა ისრაელის ელჩმა საქართველოში იუვალ ფუქსმა სასტუმრო „ჰოლიდეი ინნ"-ში ქართულ ტურისტულ კომპანიებთან გამართულ შეხვედრაზე განაცხადა. მისი თქმით, ისრაელის სურვილია, ისრაელში ქართველი ტურისტების დიდი ნაკადი ჩადიოდეს.
„საელჩო და კონსული მზად არიან, ითანამშრომლონ ტუროპერატორებთან ჯგუფური ვიზების გაცემის თაობაზე. როგორც იცით, ტურიზმს როგორც საქართველოს, ისე ისრაელის ეკონომიკაში დიდი წვლილი შეაქვს, მაგრამ დამეთანხმებით, მისი როლი უფრო დიდია, რადგან ტურიზმი ქვეყნის კულტურის ნაწილია. ბოლო რამდენიმე კვირაა, ბევრს ვსაუბრობთ როგორც საქართველოს ეკონომიკისა და მდგრადი განვითარების სამინისტროსთან, ისე ისრაელის საელჩოსთან, რომელიც ვიზებს გასცემს. ამ შეხვედრების მიზანია, განვსაზღვროთ, როგორ შეიძლება, რომ ქართველ ტურ-ოპერატორებს ტურისტული ჯგუფებისთვის ვიზების მიღება გაუმარტივდეთ",- განაცხადა ფუქსმა.