ბათუმის მერიის გარემოს დაცვითი და სანიტარიული ზედამხედველობის განყოფილების წარმომადგენლებმა ქალაქში მოქმედი მუნიციპალური სასადილოების შემოწმება დაიწყეს. სპეციალისტებმა ლაბორატორიული სინჯები დღეს ტაბიძის ქ. #2-ში მდებარე სასადილოში აიღეს.
მერია მსგავს შემოწმებებს პერიოდულად ახორციელებს. მოწმდება სანიტარიული ნორმები, საკვების ხარისხი და კალორიულობა. საბოლოო დასკვნა რამდენიმე დღეში გახდება ცნობილი.
ბათუმში სულ ხუთი მუნიციპალური სასადილო მოქმედებს, სადაც ყოველდღიურად 2100 სოციალურად დაუცველი იკვებება.
