კახა ბენდუქიძეს აგრარული უნივერსიტეტის პროფესორი მანანა ცინცაძე უპირისპირდება, რომელიც აცხადებს, რომ უნივერსიტეტიდან აკადემიური მოსწრების გამო კი არა, სტუდენტებს სწავლის საფასურის გადაუხდელობის გამო რიცხავდნენ.
ცინცაძე აცხადებს, რომ კახა ბენდუქიძის აგრარულ უნივერსიტეტში მოსვლის შემდეგ უნივერისიტეტიდან ფინანსური დავალიანების გამო 609 სტუდენტზე მეტი გაირიცხა.
,,კახა ბენდუქიძის უნივერსიტეტში მოსვლის შემდეგ დეკანები პირდაპირ მითითებებს გვაძლევდნენ, რომ სტუდენტები სანამ ფულს არ გადაიხდიდნენ არ მიგვეღო", - განაცხადა ,,ჯი-ეიჩ-ენთან" საუბარში აგრარული უნივერსიტეტის პროფესორმა მანანა ცინცაძემ.
,,ბენდუქიძემ აგრარული სექტორი გაანადგურა და ნულამდე მიიყვანა", -განაცხადა მანანა ცინცაძემ ,,ჯი-ეიჩ-ენთან'საუბარში.
შეგახსენებთ, რომ აგრარული უნივერსიტეტის სამეურვეო საბჭოს თავმჯდომარის კახა ბენდუქიძის განცხადებით, უნივერსიტეტიდან არცერთი სტუდენტი ფინანსური დავალიანების გამო არ გარიცხულა.
როგორც ბენდუქიძემ ,,პოზიციაში" განმარტა აგრარული უნივერსიტეტიდან მხოლოდ ის სტუდენტთა ნაწილი გაირიცხა ვინც ექვსი გამოცდიდან ხუთის ჩაბარება ვერ შეძლო.
აგრარული უნივერსიტეტიდან სტუდენტების უნივერსიტეტიდან გარიცხვის რეალურ მიზეზებზე განმარტება განათლების სამინისტროს არ გაუკეთებია და აღნიშნული საკითხი ავტორიზაციის გაუქმების ერთ ერთ მიზეზად არ დასახელებულა.
