თბილისის საქალაქო სასამართლომ წარმოებაში მიიღო საზოგადოებრივი მაუწყებლის ყოფილი დირექტორის გიორგი ბარათაშვილის სარჩელი, რომლითაც ის ითხოვს სამეურვეო საბჭოს 2013 წლის 04 მარტის გადაწყვეტილების ბათილად ცნობას, სამუშაოზე აღდგენასა და იძულებითი განაცდურის ანაზღაურებას.
როგორც ,,ჯი-ეიჩ-ენს" ,,საია"-დან აცნობეს საქმეზე მოსამზადებელი სხდომა 2013 წლის 08 აპრილს 12:00 საათზე ჩაინიშნა.
მნიშვნელოვანია, რომ სასამართლომ საქმეზე საბოლოო გადაწყვეტილების მიღებამდე შეაჩერა სსიპ საზოგადოებრივი მაუწყებლის გენერალური დირექტორის ვაკანტურ თანამდებობის დასაკავებლად მიმდინარე ღია კონკურსი.
შეგახსენებთ, რომ გიორგი ბარათაშვილის ინტერესებს სასამართლოში საიას მედიის სამართლებრივი დაცვის ცენტრის იურისტები იცავენ.
