2013 წლის 11 მარტს, საქართველოს სახალხო დამცველი შეხვდა ავსტრალიის თანამეგობრობის საგანგებო და სრულუფლებიან ელჩს, მის აღმატებულება იან ბიგს.
სახალხო დამცველმა და ავსტრალიის თანამეგობრობის ელჩმა ისაუბრეს ადამიანის უფლებათა და თავისუფლებათა დაცვის კუთხით საქართველოში არსებულ პრობლემებზე.
უჩა ნანუაშვილმა სტუმარს გააცნო სახალხო დამცველის ოფისის საქმიანობა, სამომავლო გეგმები და პერსპექტივები. საუბარი შეეხო ადამიანის უფლებათა დაცვის სხვადასხვა სფეროს, კერძოდ ადამიანის უფლებათა დაცვის ერთიანი სტრატეგია, სიტყვისა და გამოხატვის თავისუფლების საკითხი, კონფლიქტის ზონებში მცხოვრებ პირთა უფლებების დაცვა, სახალხო დამცველის რეგიონური ოფისების გაძლიერება და სხვა.
ავსტრალიის თანამეგობრობის საგანგებო და სრულუფლებიანმა ელჩმა, იან ბიგსმა სახალხო დამცველს წარმატება უსურვა მომავალ საქმიანობაში.
