მინისტრმა დავით დარახველიძემ და მინისტრის მოადგილე ნინო ჭავჭავაძემ აზერბაიჯანის რესპუბლიკის ელჩთან საქართველოში აზერ ჰუსეინთან სამუშაო შეხვედრა გამართეს. მხარეებმა დევნილებსა და ლტოლვილებზე ისაუბრეს. აზერბაიჯანელმა დიპლომატმა დავით დარახველიძეს აზერბაიჯანში დევნილებისა და ლტოლვილების მდგომარეობა გააცნო და შეთანხმდნენ, რომ მინისტრს ვითარების ადგილზე გასაცნობად აზრებაიჯანშიც მიიწვევენ.
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ აზერბაიჯანელ დიპლომატს საქართველოში დევნილთა სტატისტიკა გააცნო, აღნიშნა, რომ 19 წლის შემდეგ საცხოვრებლით დაკმაყოფილებულია მხოლოდ 25 000 დევნილი ოჯახი და ფართის გადაუდებელი აუცილებლობა 45 000 ოჯახს სჭირდება. მინისტრმა ასევე ისაუბრა სამინისტროს 4 წლიან ამბიციურ გეგმაზე, დევნილი მოსახლეობისთვის 2 მიმართულებით მუშაობაზე, კერძოდ - მშენებლობებისა და კარკასული ობიექტების რეაბილიტაციის კუთხით.
ელჩმა აღნიშნა, რომ აზერბაიჯანში მილიონამდე დევნილი და ლტოლვილი ცხოვრობს და მათი საბინაო პრობლემების მოგვარებასთან ერთად მნიშვნელოვანია შემოსავლის მომტანი პროექტების განხორციელებაც.
"ორმა დამეგობრებულმა მეზობელმა ქვეყანამ, ისტორიულად გადაიტანეს ერთიდა იგივე ბედი. მათ რიცხვში სამწუხაროდ არის შავი ფურცელი საერთო ისტორიაში. ნაწილი ტერიტორიის იმყოფება ოკუპირებული, დიდი რაოდენობით ლტოლვილები და იძულებით გადაადგილებული პირები დღეს წარმოადგენენ ჩვენი ცხოვრების ნაწილს. სახელმწიფო სტრუქტურები აზერბაიჯანშიც და საქართველოშიც მუშაობენ სოციალური პრობლემების მოგვარებაზე, დასაქმებისა და საცხოვრებელი ფართის პრობლემებზე და ამ კონტექსტში ასეთი შეხვედრები სასარგებლოა ორივე სახელმწიფოსათვის. აზერბაიჯანს აქვს გამოცდილება ამ პრობლების მოგვარებაში ისევე, როგორც საქართველოს და გამოცდილების გაზიარება მნიშვნელოვანია ორივე სახელმწიფისთვის" - აღნიშნა აზერბაიჯანის რესპუბლიკის ელჩმა საქართველოში აზერ ჰუსეინთან
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტილვილთა მინისტრმა დავით დარახველიძემ დიპლომატთან შეხვედისას აღნიშნა, რომ საქართველოსთვის აზერბაიჯანიოს გამოცდილება საინტერესოა: „ძალიან საინტერესო შეხვედრა გვქონდა. ჩვენთვის მნიშვნელოვანია აზერბაიჯანის გამოცდილება, იმ თვალსაზრისით, რომ აზერბაიჯანის სახელმწიფომ მოახერხა 1 მილიონი დევნილისთვის საბინაო პრობლემის გადაწყვეტა. ასევე საინტერესო წარმატებები აქვთ მათ დევნილთა დასაქმების საკითხებში, განსაუთრებით სოფლის მიმართულებით. აზერბაიჯანში ფუნქციონირებს დევნილთა და ლტოლვილთა კომიტეტი, რომელსაც ხელმძღვანელობს ვიცე პრემიერი. ჩვენგან განსხვავებით, ცოტა სხვა სტრუქტურაა. ჩვენ გვაქვს სურვილი, გავიზიაროთ აზერბაიჯანის გამოცდილება."