დღეს, 11 მარტს, სასწრაფო სამედიცინო ცენტრის ექიმები ფართომასშტაბიანი აქციის გამართვას გეგმავენ. აქციის მონაწილეთა მოთხოვნა სამსახურიდან გათავისუფლებული ექიმების დაუყოვნებლივ აღდგენა იქნება.
როგორც მოშიმშილე ექიმები აცხადებენ, სასწრაფო სამედიცინო ცენტრის ადმინისტრაციამ ცენტრის ფილიალებში ექიმების დაშინება დაიწყო.
"არის მუქარა, რომ ვინც აქციაზე მოვა, სამსახურიდან გათავისუფლდება", - აცხადებენ ექიმები.
შეგახსენებთ, რომ სასწრაფო სამედიცინო ცენტრის ხუთი ექიმი უკვე მეხუთე დღეა შიმშილობს. მათი მოთხოვნა სამსახურიდან გათავისუფლებული თანამშრომლების აღდგენა და ცენტრის ადმინისტრაციის შეცვლაა.
