9 მარტს, 20:00 საათი, ე.მიქელაძის სახელობის მუსიკალურ ცენტრში კომპოზიტორ ზვიად ბოლქვაძის საღამო გაიმართება. კონცერტს კომპოზიტორი წარმოადგენს ბენდ "ნიუტონთან" ერთად რომლის შემადგენლობაშიც არიან დასარტყამი ინსტრუმენტები - ლევან აბშილავა, კლავიში - ამირან დიასამიძე, ბას გიტარა - შაკო გელეყვა) კონცერტში ასევე მონაწილეობას მიიღებენ მოწვეული მუსიკოსები. კონცერტზე, ასევე გაიმართება ზვიად ბოლქვაძის პირველი საავტორო ალბომი "საფეხურები"-ის პრეზენტაცია.
კონცერტზე, რომელსაც კომპოზიტორი მანდილოსნებს უძღვნის, მისი შესრულებით საავტორო სიმღერები გაჟღერდება. ეს არის სიმღერები რომლებიც წლების მანძილზე დაგროვდა კომპოზიტორის მუსიკალურ ფონდში და პირველად გაჟღერდება კონცერტის სახით.
ზვიად ბოლქვაძე არის სრულიად საქარართველოს კათოლიკოს პატრიარქის, მისი უწმინდესობის ილია მეორეს საგალობლების საგუნდო და საორკესტრო არანჟირებების ავტორი.
პირველი საავტორო საღამო 2011 წელს რუსთაველის სახელმწიფო თეატრის დიდ სცენაზე შედგა და მაშინ კომპოზიტორმა მის მიერ შექმნილი საგუნდო და სხავდასხავ ჟანრის ნაწარმოებები წარმოადგინა.
კონცერტის მხარდამჭერია თბილისის მერიის კულტურული ღონისძიებების ცენტრი.
