საქართველოს პრეზიდენტი მთავრობას მოუწოდებს ნუ დასცინიან აჭარის მოსახლეობას, როდესაც რეგიონში 40 მილიარდი დოლარის ინვესტიციის მოზიდვაზე აკეთებენ აქცენტს.
„აჭარაში 40 მილიარდი დოლარის ინვესტიცია ჩაიდებაო - ეს არის დაცინვა აჭარის საზოგადოების. მე თქვენ გეტყვით, რომ მთლიანად ბათუმის აყვავება 2 მილიარდი დოლარი დაჯდა. 40 მილიარდი დოლარი - ეს იქნებოდა სამმაგი დუბაი. რა 40 მილიარდი დოლარი, როდესაც ჩააბნელეს ბათუმი და ჩააბნელეს ყველაფერი რაც დღეს იქაა. რა 40 მილიარდზე საუბრობთ და რაზე დასცინით ხალხს? სოციალური სახლების მშენებლობა შეაჩერეს და ბიუჯეტი შეამცირეს"- განაცხადა საქართველოს პრეზიდენტმა.
შეგახსენებთ, რომ აჭარის ფინანსთა და ეკონომიკის მინისტრმა გააკეთა განცხადება და აღნიშნა, რომ რეგიონში 40 მილიარდი დოლარის ინვესტიციას ელოდება.
„ინვესტიციები აჭარაში მოსალოდნელზე გაცილებით მეტი იქნება; ამის თქმის საშუალებას ინვესტორების მხრიდან რეგიონისადმი ბოლო პერიოდში გაზრდილი ინტერესი გვაძლევს" - განაცხადა აჭარის ფინანსთა და ეკონომიკის მინისტრმა გიორგი თავართქილაძემ. საუბარი 40 მილიარდ დოლარამდე ინვესტიციაზეა. ამ ეტაპზე მოლაპარაკებები მიმდინარეობს. დინტერესებულ ინვესტორთა ვინაობა პირობების შეთანხმებისთანავე გახდება ცნობილი.