საბანკო სექტორში განთავსებული არასაბანკო დეპოზიტების მოცულობამ 2013 წლის პირველი თებერვლისათვის 7.7 მლრდ ლარს მიაღწია, რაც 21.9 მლნ ლარით ანუ 0.3 პროცენტით მეტია მიმდინარე წლის პირველი იანვრისათვის არსებულ მაჩვენებელზე. იანვარში, წინა წლის დეკემბერთან შედარებით, ადგილი ჰქონდა მოთხოვნამდე დეპოზიტების მატებას 40.9 მლნ ლარით ანუ 1.3 პროცენტით და ვადიანი დეპოზიტების შემცირებას 19.1 მლნ ლარით ანუ 0.4 პროცენტით.
დეპოზიტების დოლარიზაციის კოეფიციენტმა მიმდინარე წლის პირველი თებერბლისათვის 64.21 პროცენტი შეადგინა - 0.13 პროცენტული პუნქტით მეტი პირველი იანვრის მდგომარეობასთან შედარებით.
ვადიან დეპოზიტებზე საშუალო წლიურმა შეწონილმა საპროცენტო განაკვეთმა 8.6 პროცენტი შეადგენა, მათ შორის ეროვნული ვალუტით განთავსებულ დეპოზიტებზე - 11.4 პროცენტი, ხოლო უცხოური ვალუტით განთავსებულ დეპოზიტებზე - 7.7 პროცენტი.
უცხოური ვალუტით განთავსებულ დეპოზიტებში აშშ დოლარის წილმა 79.8 პროცენტი, ხოლო ევროს წილმა 18.0 პროცენტი შეადგენა.
