საქართველოს ინტელექტუალური საკუთრების ეროვნული ცენტრი "საქპატენტი" და ამერიკის შეერთებული შტატების კომერციული სამართლის განვითარების პროგრამა
(CLDP) 26-27 თებერვალს მართავენ ორდღიან სემინარს თემაზე: ,,საქართველოს ინტელექტუალური საკუთრების უფლებათა აღსრულება და კოორდინაცია საბაჟო საზღვარზე''. სემინარს დაესწრებიან საბაჟო დაწესებულების მოხელეები მთელი ქვეყნის მასშტაბით, საქპატენტის ოფიციალური პირები და საერთაშორისო ორგანიზაციების წარმომადგენლები. სემინარი შეეხება საზღვარზე ინტელექტუალური საკუთრების დაცვის შერჩეულ საკითხებს, რომლებიც მნიშვნელოვანია საქართველოს საბაჟო დაწესებულების თანამშრომლებისათვის.
განსახილველი თემები მოიცავს კონტრაფაქცული პროდუქციის იდენტიფიკაციის მეთოდებს და ინტელექტუალური საკუთრების უფლებების დარღვევით შემოსული საქონლის გამოძიებისა ხერხებსა და კოორდინაციას.
სემინარზე წარმოდგენილი იქნება პრეზენტაციები ქვეყნის სპეციფიკის შესაბამის პრაქტიკულ მაგალითებზე, აშშ-ს და ევროკავშირის მაგალითებზე დაყრდნობით.
ტრენინგის მიზანია საქართველოს საბაჟო დაწესებულების თანამშროლმლების მუშაობის ეფექტურობის ამაღლება კონტრაფაქციულ საქონელთან ბრძოლაში, საქართველოში ინტელექტუალური საკუთრების უფლებათა დაცვის ეფექტურობის ამაღლება და საბაჟო დაწესებულების თანამშრომლებს, სამთავრობო სტრუქტურებსა და კერძო სექტორს შორის დიალოგის გაღრმავება.
