საქართველოს მასშტაბით პირველ მარტამდე არამდგრადი ამინდი შენარჩუნდება. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ხელმძღვანელმა სვეტა ნიორაძემ განაცხადა არამდგრადი ამინდის მიუხედავად ძლიერი წვიმა მოსალოდნელი არ არის.
,,არამდგრადი ამინდი და მცირე წვიმა პირველ მარტამდე შენარჩუნდება, როგორც დასავლეთ ისე აღმოსავლეთ საქართველოში. 28 თებერვლამდე ტემპერატურა მოიმატებს და აღმოსავლეთ საქართველოში ჰაერი 15 გრადუსამდე, დასავლეთ საქართველოში კი 17-18 გრადუსამდე გათბება", _განაცხადა სვეტა ნიორაძემ და აღნიშნა, რომ პირველ მარტს ტემპერატურა წინა დღეებთან შედარებით დაეცემა.