ფინანსთა მინისტრი პრემიერ-მინისტრის მითითებას ასრულებს და დღეს არაალკოჰოლური სასმელების მწარმოებლებს ხვდება.
როგორც სააგენტო "ჯი-ეიჩ-ენს" ფინანსთა სამინისტროდან აცნობეს, არაალკოჰოლური სასმელების მარკირების საკითხთან დაკავშირებით, დღეს, 25 თებერვალს, 13:00 საათზე ფინანსთა მინისტრი ნოდარ ხადური შეხვედრას მართავს არაალკოჰოლური სასმელების მწარმოებელი კომპანიების წარმომადგენლებთან.
შეგახსენებთ, რომ პრემიერ-მინისტრთან შეხვედრისას არაალკოჰოლური სასმელების მწარმოებლებმა ბიძინა ივანიშვილს დახარება და წინა მთავრობის მიერ დაწესებული რეგულაციის გაუქმება სთხოვეს. თავის მხირივ იმავე დღესვე ფინანსთა მინისტრმა განმარტა, რომ არაალკოჰოლური სასმელების მწარმოებელი კომპანიებისთვის, სავალდებულო მარკირების პროცესი 1-ლი მარტიდან არ ამოქმედდება.
ხადურის იმისათვის, რომ ეს ნორმა ამოქმედდეს, ფინანსთა მინისტრს გამოცემული უნდა ქონდეს ერთგვარი ბრძანება, სადაც იმ პროდუქციის ჩამონათვალის ნუსხა იქნება დატანილი, რომელიც სავალდებულო მარკირებას დაექვემდებარება, თუმც ხადურის განმარტებით, მსგავსი ბრძანება ფინანსთა მინისტრის მხრიდან გამოცემული არ არის.
„ფინანსთა მინისტრის ბრძანება, რომელიც 2012 წლის აპრილში გამოიცა, ითვალისწინებს იმას, რომ ფინანსთა მინისტრმა უნდა გამოცეს, რომლითაც განსაზღვრავს ზუსტ ჩამონათვალს პროდუქციის. თუმც ასეთი ბრძანება გამოცემული არ არის. შესაბამისად არც არაფრის გადადება არ გვჭირდება და არც ამოქმედება. ანუ მიმდინარეობს მუშაობა, მათ შორის კონსულტაციები, როგორც ჩვენი მხრიდან ასევე ბიზნესის მხრიდან. ჩვენი ამოცანაა, რომ არ გაძვირდეს პროდუქცია და ბიზნესს არ შეექმნას პრობლემა და ხელოვნური ბარიერები, თუმც აღრიცხვაინობა მოწესრიგდეს"- აცხადებს ფინანსთა მინისტრო ნოდარ ხადური.
