დღეს, 22 თებერვალს 12:00 საათზე აჭარის ა.რ. ჯანმრთელობისა და სოციალური დაცვის მინისტრი ნუგზარ სურმანიძე, მოადგილეებთან და სოციალური დაცვის დეპარტამენტის ხელმძღვანელთან ერთად ინასარიძის ქ. N2-ში მცხოვრებ 100 წელს გადაცილებულ ქალბატონს სამინისტროს მიზნობრივი პროგრამის: „100 წელს გადაცილებულ მოქალაქეებზე ერთჯერადი მატერიალური დახმარების კომპონენტის" ფარგლებში 500 ლარს გადასცემს. თამარ ბარაბაძეს 100 წელი 1 თებერვალს შეუსრულდა.
აჭარაში დღეისათვის 100 წელს გადაცილებული 55 მოქალაქე ცხოვრობს. ჯანდაცვის სამინისტროს მიზნობრივი პროგრამის ფარგლებში თანხას 500 ლარის ოდენობით ყველა მათგანი მიიღებს. პროგრამა 2002 წლიდან მოქმედებს, 2012 წელ კი თანხა 57 მოქალაქეს გადაეცა.
