,,მთავრობის სარეზერვო ფონდიდან სასამართლო დარბაზების კამერებით აღჭურვის მიზნით, სამი მილიონ ხუთასორმოცდაათი ათასი ლარი გამოიყო", - აღნიშნულის შესახებ მთავრობის სხდომის დასრულების შემდეგ ფინანსთა მინისტრმა ნოდარ ხადურმა განაცხადა.
,, მთავრობის სარეზერვო ფონდიდან სასამართლო დარბაზებში კამერების დასამონტაჟებლად სამი მილიონ ხუთასორმოცდაათი ათასი ლარი გამოიყო. ეს არ ეხება ტელევიზების კამერას, ეს არის პლუს ერთი კამერა, რომელიც პროცესის სრულ აუდიო ჩანაწერს გააკეთებს და დაინტერესებულ მხარეებს შეეძლებათ ჩანაწერი მიღება", -განაცხადა ნოდარ ხადურმა და აღნიშნა, რომ სასამართლოების კამერებით აღჭურვა ეტაპობრივად მოხდება.
