ქართული ღვინის ხარისხის შესამოწმებლად და წარმოების ადგილზე დასათვალიერებლად, რუსი ექსპერტები საქართველოში 25 თებერვალს ჩამოვლენ და უკან, რუსეთში 1-ელ მარტს დაბრუნდებიან, აღნიშნულის შესახებ ინფორმაციას რუსეთის მთავარი სანიტარული ექიმი, გენადი ონიშენკო ავრცელებს. ონიშენკოს განმარტებით, რუსი სპეციალისტები მოსკოვიდან საქართველოში 25 თებერვალს გამოფრინდებიან.
ონიშენკოს განმარტებით, მისმა უწყებამ გააფართოვა იმ ქართული საწარმოების რაოდენობა რომლებზეც რუსი სპეციალისტები მონიტორინგს განახორციელებენ. მისივე განმარტებით ამ საწარმოთა რაოდენობა 34-დან 44-მდე გაიზარდა. მათგან 40 საწარმო ღვინის მწარმოებელია, ხოლო 4 საწარმო კი მინერალურ წყალს ასხავს.
