ვიდეომასალის არსებობის შესახებ ჩვენთვის ცნობილი არ ყოფილა, უპირველეს ყოვლისა, დავადგენთ ვიდეომასალის ნამდვილობას, ხოლო თუ ის ნამდვილი არის, შემდეგომ შევადარებთ გამოძიების შედეგად დადგენილ ფაქტებს,- ამის შესახებ მთავარმა პროკურორმა, არჩილ კბილაშვილმა, ტელეკომპანია "იმედთან" სატელეფონო საუბრისას განაცხადა.
მისი თქმით, თუ გამოირკვევა, რომ ცრუ ჩვენებაა მიცემული, ერთიდან ათის ჩათვლით, ყველას, ვინც ეს გააკეთა, გამჟღავნდება.
"მთავარი არის ის, რომ ამ პროცესმა, რომელიც ჩვენ დავიწყეთ, შედეგად მოიტანა ის, რომ სადღაც მიმალული ვიდეომასალები დღის სინათლეზე გამოიტანა. რა შედეგიც დადგება, ვისი პასუხისმგებლობაც მას მოყვება, ზუსტად ის დაისჯება და იქნება პასუხისგებაში მიცემული ",- განაცხადა არჩილ კბილაშვილმა.
შეგახსენებთ, ბუტა რობაქიძის მკვლელობის საქმეზე ბრალდებულმა დიდუბე-ჩუღურეთის პოლიციის ყოფილმა უფროსმა ირაკლი ფირცხალავამ რობაქიძის მკვლელობის ამსახველი ვიდეო-მასალა ჟურნალისტებსა და სამართალდამცველებს მიაწოდა დღეს მიაწოდა, რომელიც პროკურატურას ზეწოლაში ადანაშაულებს.ვიდეო-მასალა ,,რუსთავი-2"-მა გაავრცელა. რუსთავი 2"-ის ინფორმაციით, გავრცელებული კადრები სრული ვერსია არ არის, რომელიც ირაკლი ფირცხალავამ მოიპოვა. როგორც ფირცხალავამ ჟურნალისტებთან განმარტა მანქანაში რობაქიძე შემთხვევით იყო მოხვედრილი.