მიუხედავად იმისა, რომ უკრაინაში იმპორტირებული ღვინის წილი მცირდება, უკრაინულ ბაზარზე ქართული ღვინის ზრდის ტემპი მაინც სახეზეა. უკრაინული მედიის ინფორმაციით, 2012 წელს უკრაინაში 3,35 მლნ დეკალიტრი ღვინის იმპორტი მოხდა, რაც 3-ჯერ ნაკლებია 2011 წელს განხორციელებულ იმპორტთან შედარებით. სტატისტიკური ინფორმაციის თანახმად, 2012 წელს უკრაინაში მოლდოვური ღვინის იმპორტი განახევრებულია, ხოლო ქართული ღვინის იმპორტი კი გაზრდილი. როგორც უკრაინული მედია წერს, 2012 წელს საქართველოდან უკრაინაში 0,94 მლნ დეკალიტრი ღვინის ექსპორტი მოხდა, მაშინ როდესაც 2011 წელს უკრაინაში საქართველოდან 0,79 მლნ დეკალიტრი ღვინო შეიტანეს.
მასალის გამოყენების პირობები
