ქართული ღვინის რუსულ ბაზარზე დაბრუნებასთან ერთად, რუსეთში ქართული ღვინის რეგისტრაციაც აუცილებელია. მთავრობამ სხდომაზე, „ქართული ღვინის ადგილწარმოშობის დასახელებების აზერბაიჯანის რესპუბლიკის, რუსეთის ფედერაციისა და ჩინეთის სახალხო რესპუბლიკის ტერიტორიაზე რეგისტრაციისა და დაცვის მიზნით განსახორციელებელ ღონისძიებათა შესახებ" საკითხზე უკვე იმსჯელა.
როგორც სააგენტო „ჯი-ეიჩ-ენთან" საუბრისას, „საქპატენტის" ხელმძღვანელმა ირაკლი ღვალაძემ განმარტა, რუსულ ბაზარზე ქართული დასახელების პროდუქციის რეგისტრაციის პროცედურები დაწყებულია.
„რუსულ ბაზარზე ქართული დასახელების პროდუქციის რეგისტრაციის პროცედურები დაწყებულია. ჩვენ ქართულ დასახელებას რუსულ ბაზარზე სხვა ვერავინ ვერ დაირეგისტრირებს, ჩვენ ამ შეთანხმებას უკვე მივაღწიეთ. თუმც ამ დასახელებების გამოყენების უფლება, რომ სხვებს ავუკრძალოთ. ამას სხვა პროცედურებიც სჭირდება, რომელზედაც მუშაობა ჩვენ დავიწყეთ"- აცხადებს ირაკლი ღვალაძე. მისივე განმარტებით, აღნიშნული პროცედურის საბოლოო კონდიციამდე მისაყვანად შესაძლოა 9 თვეც კი გახდეს საჭირო.
„ჩვენი მხრიდან პროცედურების დაწყების შემდეგ, ქართულ დასახელებას სხვა თავის სახელზე ვერავინ ვერ დაირეგისტრირებს, ამ დონემდე შეთანხმება უკვე მიღწეული გვაქვს. აეხლა მიდის რესგიტრაციის პროცესი და როდესაც ის დასრულდება, მერე ყველა სამართლებრივი საფუძველი გვექნება, რომ თუ აღმოჩნდება საეჭვო ქინძმარაული ან ხვანჭკარა მერე მოვედავოთ"- განაცხადა ირაკლი ღვალაძემ.
