2013 წელს, მილიარდერების რიცხვი რუსეთში 131 ადამიანამდე გაიზარდა, რაც ისტორიული რეკორდი გახდა. რეიტინგის მიხედვით, ყველაზე მდიდარი ადამიანების სიას 11 მილიარდერი დაემატა.
2012 წელს რუსეთში იმ ბიზნესმენების რაოდენობა, რომელთა ქონებაც მილიარდ დოლარს აღემატება, 120 ბიზნესმენს შეადგენდა, ხოლო 2011 წელს - 114-ს. ამჟამად, რუსეთის ყველაზე მდიდარი ადამიანი ალიშერ უსმანოვია, რომლის ქონებაც 18,72 მილიარდ დოლარს შეადგენს. მეორე ადგილზე ვლადიმერ ლისინია, 17,2 მილიარდი დოლარით, მესამეზე ვიქტორ ვეკსელბერგი - 15,94 მილიარდი დოლარით, მეოთხეზე მიხეილ ფრიდმანი, ხოლო მეხუთე ადგილს მიხეილ პროხოროვი იკავებს.
