"მოსკოვის ოსური სათვისტომოსათვის შეუძლებლად მიგვაჩნია ისეთი საზოგადოებრივი ორგანიზაციების საქმიანობაში მონაწილეობა რომელიც ეწინააღმდეგება ოსეთის ინტერესებს, რომელიც აფილირებულია საქართველოს რესპულიკაში და რომელიც სამხრეთ ოსეთისათვის დამოუკიდებელი სახელმწიფოს სტატუსის წართმევას გულისხმობს როგორც ძალის გამოყენებით ასევე სხვა მეთოდებით", _ ნათქვამია მოსკოვის ოსური სათვისტომოს მიერ მიღებული გადაწყვეტილების შესახებ გავრცელებულ განცხადებაში.
მოსკოვის ოსური სათვისტომო, რომელსაც ვინმე ვალერი კაბოლოვი ხელმძღვანელობს მოუწოდებს ყველა ოსი ეროვნების ადამიანს თავი შეიკავოს ქართული ეროვნების ყველა ოფიცილურ პირთან, საზოგადოებრივი და რელიგიური ორგანიზაციის წარმომადგენელთან კონტაქტზე, რომელსაც არ უღიარებია "ქართული ფაშიზმი და არ აღიარებს სამხრეთ ოსეთის რესპუბლიკის დამოუკიდებლობას".
მათივე განცხადების მიხედვით, დამთბარი ქართულ-რუსული ურთიერთობების ფონზე სეპარატისტებში საგანგაში განწყობილებები მატულობს, რომლებიც ე.წ. სახელმწიფო სუვერენიტეტის შესაძლო დაკარგას უკავშირდება.
"ამ სიტუაციას ამძაფრებს ბიძინა ივანიშვილის მიერ გაკეთებული განცხადებები იმის შესახებ, რომ ის უარს აცხადებს საკიტხის ძალისმიერ მოგვარებაზე და აქცენტს სახალხო დიპლომატიაზე აკეთებს. რომელსაც განეკუთვნება კიდეც საქართველოს პატრიარქის მეგობრული შეხვედრა მოსკოველ ოსებთან, სამხრეთ ოსეთის მოქალაქებისათვის უფასო მკურნალობა თბილისის სამედიცინო დაწესებილებებში, პირადი ხასიათის მზარდი ტვირთბრუნვა, ოსების მასობრივი ჩასვლა თბილისში, მათ შორის კაზინოებში სათამაშოდ, ერგბეთის ბაზრის გახსნა და სხვა", _ ნათქვამია განცხადებაში და აღნიშნულია, რომ რუსეთის ფედერაციის პოზიცი ვლადიმერ პუტინმა ჩამოაყალიბა და შუძლებლად მიიჩნია ე.წ. სამხრეთ ოსეთის ე.წ. დამოუკიდებლობის აღიარების შესახებ გადაწყვეტილების უკან წაღება.
"ჩვენ არ გვაქვს არავითარი საფუძველი მას არ ვენდოთ, თავისი პოზიციის სიმყარე მან არაერთხელ ჩამოაყალიბა", _ აცხადებენ დოკუმენტის ავტორები და აღნიშნავენ, რომ საქართველოსთან არავითარი კონტაქტი არ იქნება მანამ ვიდრე საქართველო ე.წ. სამხრეთ ოსეთის ე.წ. დამოუკიდებლობას არ აღიარებს.