15 თებერვალს „თეგეტა მოტორსის" სათაო ოფისის სერვის ცენტრში მოეწყო კომპანიის მიერ სავაჭრო პარტნიორების დაჯილდოვებისთვის მიძღვნილი ტრადიციული ღონისძიება.
ღონისძიების ფარგლებში სხვადასხვა ნომინაციებში გამოვლინდნენ წლის წარმატებული სავაჭრო პარტნიორები. 2012 წლის საუკეთესო დილერის ნომინაციაში გამარჯვებულს კი „თეგეტა მოტორსმა" გრანდიოზულ სიურპრიზს მოუმზადა, მას საჩუქრად გადაეცა ახალთახალი MAZDA 3.
აღნიშნული დაჯილდოების ცერემონიალი „თეგეტა მოტორსში" ყოველწლიურად იმართება. ამჯერად კომპანიის 70-მდე სავაჭრო პარტნიორს გადაეცა სერტიფიკატები, ჯილდო სოლიდური ფულადი პრემიის სახით და სხვა საჩუქრები კომპანიისგან.
ღონისძიებაზე გამოვლინდნენ „თეგეტა მოტორსის" სავაჭრო პარტნიორები შემდეგ ნომინაციებში: 2012 წლის საუკეთესო დილერი, „თეგეტა მოტორსის" ყველაზე ლოიალური დილერი. ასევე, დაჯილდოვდნენ გამარჯვებულები სხვადასხვა კატეგორიების მიხედვით: საბურავების საუკეთესო გაყიდვები, საავტომობილო ზეთების საუკეთესო გაყიდვები, აკუმულატორების საუკეთესო გაყიდვები და სხვა.
კომპანიის ტრადიციული ღონისძიება მიმართულია „თეგეტა მოტორსის" საბითუმო სავაჭრო ქსელის შემდგომი განვითარებისკენ. დღესდღეობით კომპანიას 700-ზე მეტი პარტნიორი ჰყავს ქვეყნის მასშტაბით. „თეგეტა მოტორსი" აგრძელებს მუდმივ ზრუნვას სავაჭრო პარტნიორების ლოიალობის შემდგომი ზრდისთვის და 2013 წლიდან დილერებს მნიშვნელოვან სიახლეებს შესთავაზებს. ძირითადი აქცენტი გაკეთდება ბრენდების ასორტიმენტის გაფართოებაზე და მრავალმხრივ სარეკლამო მხარდაჭერაზე. ასევე, მერჩენდაიზინგის სტანდარტებსა და გაყიდვების უნარებზე.
„თეგეტა მოტორსი" მომავალშიც განაგრძობს სავაჭრო პარტნიორებთან აქტიურ თანამშრომლობას, რათა მათ შეძლონ ბიზნესის შემდგომი გაფართოვება და მეტი ადამიანის დასაქმება.