ბათუმში მუსლიმანური რელიგიის მიმდევრებისათვის სამლოცველოს აშენების ადგილი ამ დროისათვის განსაზღვრული არ არის. როგორც სააგენტო „ჯი-ეიჩ-ენს" აჭარის მთავრობის პრესსამსახურში განუცხადეს, ზუსტი ადგილი თუ სად აშენდება მეჩეთი, მოგვიანებით გახდება ცნობილი.
„მეჩეთის ბათუმში აშენებასთან დაკავშირებით შეთანხმება მიღწეულია, თუმც უფრო კონკრეტულად თუ სად აშენდება, ამის შესახებ ინფორმაცია უახლოეს მომავალში იქნება ცნობილი. დანამდვილებით შეგვიძლია ვთქვათ, რომ ეს არ იქნება აზიზიეს სახელობის მეჩეთი და არ აშენდება იმ ადგილას, სადაც მოსახლეობა აპროტესტებდა"- აცხადებენ აჭარის მთავრობაში.
როგორც დღეს მთავრობის სხდომის დაწყებამდე ჟურნალისტებთან საგარეო საქმეთა მინისტრმა მაია ფანჯიკიძემ განმარტა ანკარაში მიღწეული შეთანხმების თანახმად, ბათუმში მუსლიმანური რელიგიის მიმდევრებისათვის სამლოცველო აშენდება. თუმცა როგორც ფანჯიკიძე განმარტავს სამლოცველოსთვის სხვა ალტერნატიული ტერიტორია გამოიყოფა.
მინისტრის განცადებით, საბოლოო გადაწყვეტილებას თუ რომელ კონკრეტულ ადგილას აშენდება მეჩეთი აჭარის მთავრობა მიიღებს.
შეგახსენებთ, რომ ბათუმში მეჩეთის მშენებლობას ადგილობრივ მოსახლეობასთან ერთად სასულიეროც პირებიც ეწინააღმდეგებოდნენ.
