საქართველოს ეროვნული ბანკის ინფორმაციით, იანვარში ქვეყანაში შემოსული ფულადი გზავნილების ნაკადების მოცულობამ 94.1 მლნ აშშ დოლარი, ანუ 156.1 მლნ ლარი შეადგინა. მათინე ინვორმაციით, ეს მაჩვენებელი 9.7 მლნ აშშ დოლარით (16.2 მლნ ლარით), ანუ 11.5 პროცენტით მეტია 2012 წლის იანვრის ანალოგიურ მაჩვენებელზე.
უცხოეთიდან საქართველოში ფულადი გზავნილების 93.2 პროცენტი იმ 11 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ იანვარში 1 მლნ აშშ დოლარს გადააჭარბა. იმავე 11 ქვეყანაზე გასული წლის იანვარში მთელი ფულადი გზავნილების 91.4 პროცენტი მოდიოდა.
2013 წლის იანვარში საქართველოდან საზღვარგარეთ 9.5 მლნ აშშ დოლარი (15.7 მლნ ლარი) გადაიგზავნა, ნაცვლად 6.9 მლნ აშშ დოლარის (11.5 მლნ ლარი) გასული წლის იანვარში.
