სასტუმრო "რედისონში" პარლამენტის დონორთა კონფერენცია მიმდინარეობს. ათამდე საერთშორისო ორგანიზაციის წარმომადგენლებთან ერთად ღონისძიებაში საკანონმდებლო ორგანოს თავმჯდომარე და საპარლამენტო უმრავლესობის წევრები მონაწილეობენ.
კონფერენციაზე საუბარი ძირითადად დონორი ორგანიზაციებისა და პარლამენტის სამომავლო თანამშრომლობას შეეხებოდა.
კონფერენციის მონაწილეები იმ პროგრამების შესახებ მსჯელობენ, რომელთა განხორციელებაც 2013 წელს იგეგმება იმისთვის, რომ საკანონმდებლო ორგანოს მუშაობა უფრო გამჭვირვალე გახდეს და საერთაშორისო დემოკრატიულ სტანდარტებს შეესაბამებოდეს.
,,ჩვენ გვინდა შევქმნათ პროექტი ,,პარლამენტი 2020", ანუ როგორი პარლამენტი უნდა ყავდეს დემოკრატიულ, წელში გამართულ ქვეყანას საქართველოს. ამიტომ დღეს მიმდინარე პროექტების პრეზენტაცია გვექნება, შესაძლოა გარკვეული კორექტირების შეტანა იქიდან გამომდინარე რა საჭიროება ექნება პარლამენტს, ასევე დონორებთან საუბარი გვექნება, რა გვინდა და როგორ უნდა გაკეთდეს უფრო ეფექტური საქართველოს პარლამენტი", -განაცხადა ჟურნალისტებთან უსუფაშვილმა.
