სამინისტრომ ქალბატონს, რომელსაც ერთი ჩანთა ტანსაცმელის გარდა არაფერი გააჩნია, ახალ ბინაში პირველადი ინვენტარი, ავეჯი და 34 დასახელების საჭირო ნივთები დაახვედრა.
როგორც დევნილი ქალბატონი აცხადებს, ის სამინისტროში, მინისტრს მიღების დღეებზე შეხვდა და მისი საკითხიც იქვე გადაწყდა: „მინისტრთან მიღების დღეზე ვიყავი მისული. გავაცანი ჩემი პრობლემა, რა საშინელ პირობებში ვარ. მაწანწალა ცხოვრებით ვცხოვრობ. ხან სად ვათენებ და ხან სად, არანაირი ბარგი არ გამაჩნია ერთი პარკი ტანსაცმელების გარდა. მინისტრმა მომისმინა და მკითხა თეთრიწყაროში სახლი რომ მოგცე წახვალო? თავიდან ხუმრობა მეგონა. ვუთარი თეთრიწუაროში კი არა ყველგან წავალ თუ ჭერი მექმებათქო. აი შედეგიც. დღეს ჩამომიყვანეს და დამაბინავეს. 2 ოთახიანი ბინა მაქვს, არ მჯერა, რომ საკუტარი საძინებელი, სამზარეულო, სველი წერტილი მექნება და თან ავეჯიც დამახვედრეს. გახარებული ვერ, საუბარი მიჭირს. "
დევნილი ქალბატონის წლების მანძილზე ახლობლებს ჰყავდათ შეფარებული. მისი ბოლი თავშესაფარი 8 კვადრატანი კარკასი იყო, სადაც წვიმა ჩამოდიოდა, იატაკი და კედლები ბეტონის იყო, ყოველგვარი გარემონტების გარეშე. ეს ერთი „ოთახი" იყო საძინებელიც, აბაზანაც, სამზარეულოც და ყველაფერი. ამ ერთ ოთახში 3 ადამიანს ეძინა - დევნილ ქალბატონს, მის ახლობელს, რომელმაც დროებით შეიფარა და მის 36 წლის ვაჟს. ჭერში ნაჭრები ჰქონდათ ჩატენილი, ორმოებიდან წვიმა რომ არ ჩამოსულიყო, მაგრამ ნაჭრები წვიმას ვერ აკავებდა და როგორც ქალბატონი ამბობს, მთელი ზამთარი „ტაშტებით" დარბოდნენ.
თეთრიწყაროში დევნილ ქალბატონთან ერთად იმყოფებოდა სამინისტროს დევნილთა საკითხების დეპარტამენტის ხელმძღვანელი მურად აბლოთია. როგორც მან აღნიშნა, დევნილთა განსახლება გაგრძელდება და მომავალ კვირაც აღნიშნულ შენნობაში სხვა დევნილებიც შესახლდებიან: „აღნიშნული ქალბატონი ჭერის გარეშე იყო დარჩენილი. მინისტრთან იყო მიღებაზე და მინისტრმა ბინა თეთრიწყაროში შესთავაზა. ქალბატონი დათანხმდა და დღეს ჩამოვიყვანეთ. 34 დასახელების საოჯახო ნივთიც ჩამოვუტანეთ და დღეიდან აქ იცხოვრებს. მომავალი კვირიდან კიდევ 80 ოჯახი გადმოვა თეთრიწყაროში საცხოვრებლად. ჯამში, თვის ბოლომდე, აღნიშნულ შენობაში 121 ოჯახი შესახლდება.