ხაშურის სალიანდაგო სამმართველოს გაფიცული ყველა თანამშრომელი სამუშაო ადგილებს დაუბრუნდა.
საქართველოს რკინიგზის ინფორმაციით, მიუხედავად იმისა, რომ დღეს სამსახურში არ გამოცხადდნენ ხაშურის სალიანდაგო სამმართველოს თანამშრომლები, ზესტაფონი - გორის მონაკვეთზე მოძრაობა არ შეჩერებულა და სარკინიგზო მიმოსვლა და გადაზიდვები ჩვეულებრივ რეჟიმში მიმდინარეობს.
"არანაირი საფრთხე ტვირთების გადაზიდვას და მგზავრთა გადაყვანას არ შექმნია.
რკინიგზის ხელმძღვანელობის და ხაშურის სალიანდაგო სამმართველოს თანამშრომლების შეხვედრა ხვალ შედგება", - ნათქვამია საქართველოს რკინიგზის მიერ გავრცელებულ განცხადებაში.
