ეკონომიკისა და მდგრადი განვითარების მინისტრი გიორგი კვირიკაშვილი აცხადებს, რომ ქვეყნის მთავრობის მიერ აფხაზეთის მონაკვეთის გავლით საქართველოსა და რუსეთს შორის სარკინიგზო მიმოსვლის აღდგენის საკითხი აქტიურ რეჟიმში არ განიხილება.
"ამ ეტაპზე ეს საკითხი აქტიურ რეჟიმში არ განიხილება, ვინაიდან ეს რთული პოლიტიკური თემაა და ამ საკითხის გადაწყვეტა იოლი სულაც არ არის. კერძოდ, ეს რუსეთ-საქართველოს ურთიერთობებს ეხება, თუმცა ჩვენი პოზიცია მყარია იმასთან დაკავშირებით, რომ აფხაზებთან ურთიერთობის დალაგებას საქართველოში მიესალმებიან და ჩვენ ყველაფერს გავაკეთებთ ამისათვის", _ განაცხადა მინისტრმა ბრიფინგზე.
