2013 წლისთვის, "ბაქო-თბილისი-ყარსის" რკინიგზის საქართველოს მონაკვეთის ბიუჯეტი 175 მლნ დოლარით განისაზღვრა. როგორც ეკონომიკისა და მდგრადი განვითარების მინისტრი გიორგი კვირიკაშვილი განმარტავს, "ბაქო-თბილისი-ყარსის" რკინიგზის პროექტში მცირეოდენი ცვლილებები შევიდა, რაც თავის მხრივ რელიეფით არის გამოწვეული.
კვირიკაშვილი აცხადებს, რომ რკინიგზის მშენებლობის მაქსიმალურად მოკლე ვადაში დასრულება საქართველოს მთავრობისთვის პრიორიტეტულია.ეკონომიკისა და მდგრადი განვითარების მინისტრი არ გამორიცხავს, რომ ძირითადი სამუშაოების დასრულება წლის ბოლომდეც მოესწროს.
