თბილისში, რუსთაველის გამზირზე, აზერბაიჯანის საბანკო ბაზრის ერთ-ერთი წამყვანი მოთამაშის, „პაშა ბანკის" პირველი შვილობილი კომპანია ოფიციალურად გაიხსნა. „პაშა ბანკის" აღმასრულებელი დირექტორის ფარიდ ახუნდოვის განმარტებით, „პაშა ბანკის" მხრიდან საქართველოს, როგორც ბანკის პირველი საზღვარგარეთული ექსპანსიის შერჩევა, მრავალი ფაქტორით იყო განსაზღვრული.
"ეს არის როგორც ყოველდღიურად მზარდი სავაჭრო ბრუნვა ჩვენს ქვეყნებს შორის, ასევე სტრატეგიული მნიშვნელობის რეგიონალური მასშტაბის პროექტებში ერთობლივი მონაწილეობა და უბრალოდ ახლო მეგობრული ურთიერთობები ჩვენს ქვეყნებს შორის",- განაცხადა ახუნდოვმა.
თავის მხრივ „პაშა ბანკი საქართველოს" ხელმძღვანელმა ანარ ისმაილოვმა აღნიშნა, რომ ბანკი პოზიციონირებას გააკეთებს როგორც ფინანსური ინსტიტუტი, როგორც მჭიდროდ დაკავშირებული მეწარმეობის განვითარებასთან,და ამის გათვალისწინებით შესთვაზებს მომხმარებელს შესაბამისი საბანკო მომსახურების და პროდუქტების ფართო სპექტრს.
"ამ ეტაპზე აზერბაჯანში საკმაოდ დიდია იმ კომპანიების რიცხვი, მათ შორის ბანკის კლიენტებშიც, რომლებიც მოღვაწეობენ საქართველოში",- აცხადებს ისმაილოვი.
შეგახსენებთ, რომ „პაშა ბანკ საქართველომ" ეროვნული ბანკისგან საბანკო საქმიანობის ლიცენზია მიმდინარე წლის 17 იანვარს მიიღო. „პაშა ბანკ საქართველოს" საწესდებო კაპიტალი შეადგენს 35 მლნ.ლარს (დაახლოებით 21$ მლნ.). სტრატეგიული მიზნების მიხედვით , უახლოეს 2 წელიწადში ბანკის მიზანია , რომ შექმნას 60 მლნ დოლარის აქტივები.
დასაწყისში „პაშა ბანკი საქართველო" წარმოდგენილი იქნება თბილისში ერთი ფილიალით, რომელიც მდებარეობს რუსთაველის გამზირის 15-ში. თუმცა, უახლოეს მომავალში შესაძლოა ბანკის ქსელის გაზრდა დასავლეთ საქართველოს ისეთ ქალაქებში როგორიცაა ბათუმი და ფოთი.
„პაშა ბანკი" (www.pashabank.az) არის წამყვანი კორპორატიული ბანკი აზერბაჯანის ბაზარზე. ბანკი დაფუძნდა 2007 წელს, ახორციელებს საბანკო მომსახურების მთელ სპექტრს : სესხებს, ფასიანი ქაღალდებით ოპერაციებს,აქტივების მართვას და სახაზინო მომსახურებას.
