აჭარის ფინანსთა და ეკონომიკის მინისტრი გიორგი თავართქილაძე სოფელ ხუცუბანში საწარმო 'ლეგის' ფუნქციონირების შეწყვეტის თაობაზე პრეზიდენტის განცხადებას გამოეხმაურა. მინისტრის განმარტებით, საწარმოში სამუშაო პროცესის შეჩერება მხოლოდდამხოლოდ სეზონური მოვლენაა და ზამთარს უკავშირდება. კომპანიები, რომლებიც ფილებს უკვეთავენ, 'ლეგთან' თანამშრომლობას უახლოეს პერიოდში განაახლებენ.
„ეს პროცესი ნორმალური მოვლენაა; ნებისმიერი ქარხნის ფუნქციონირება მის მიერ წარმოებული პროდუქციის სპეციფიკასთან არის დაკავშირებული" - ამბობს გიორგი თავართქილაძე. მინისტრმა სოფელ ხუცუბანში მდებარე კომპანია „ლეგი"-ს კუთვნილი ფილების ქარხანა ორი კვირის წინ სამინისტროს თანამშრომლებთან ერთად მოინახულა და მისი ტექნიკური შესაძლებლობები და ნაწარმი მაღალ დონეზე შეაფასა. აღსანიშნავია, რომ საწარმოს დღის განმავლობაში 1500 კვადრატული მეტრი ფილის წარმოება შეუძლია