საქართველოს პრეზიდენტმა, მიხეილ სააკაშვილმა ქობულეთის რაიონის სოფელ კვირიკეში, ჯინჭარაძეების ოჯახში სტუმრობისას სოფლის მეურნეობის მინისტრი დავით კირვალიძე გააკრიტიკა. პრეზიდენტის კრიტიკის მიზეზი გურამ ჯინჭარაძის ნათქვამი გახდა, რომ ოთხი ტონა მანდარინიდან ნახევარი მაინც გადაყარა.
"სოფლის მეურნეობის მინისტრი დაინიშნა ოქტომბერში. პირველი, რაც მას უნდა გაეკეთებინა - სოფლის მეურბეობის მინისტრი რომ ხარ და მთავრობა რომ ხარ საქართველოში, პირველი რა უნდა გააკეთო?! რთველი მორჩა, ჩავიბარეთ და ეს მათ უკვე არ ეხება. შემდეგი გამოწვევა მთავრობისთვის არის ციტრუსების ჩაბარება", _ განაცხადა მიხეილ სააკაშვილმა.
"დიდ სახელოვან რუსულ ბაზარზე შესვლის შედეგი ნახა ხალხმა?",- იკითხა საქართველოს პრეზიდენტმა მიხეილ სააკაშვილმა დღეს ქობულეთის რაიონის სოფელ კვირიკეში ჯინჭარაძეების ცხრასულიან ოჯახში სტუმრობისას.
მისივე თქმით, წინა მთავრობისთვის მაინც ეკითხათ როგორ ხდება ციტრუსების ჩაბარება.
"წინა მთავრობისთვის ეკითხათ მაინც როგორ ცხდება ჩაბარება. ჩვენმა ელჩი უკრაინაში ძალისმევა არ დაიშურა იმისათვის, რომ ჩაგვეტანა უკრაინაში და გაგვესაღებინა. ეს ელჩი უკან გამოიწვიეს დიდი ჩხუბით და ზარზეიმით - არ გვინდა ასეთი ელჩიო", _ აცხადებს სააკაშვილი და აღნიშნავს, რომ თუ ახალმა მთავრობამ არ იცის კითხოს მაინც წინა მთავრობას თუ როგორ უნდა მოიქცეს.
"
დაკითხვაზე რომ იბარებენ, იქ მაინც ჰკითხონ როგორ ხდება მანდარინის და სხვა ცისტუსების ჩაბარება საქართველოში.
დიდ სახელოვან რუსულ ბაზარზე შესვლის შედეგი ნახა ხალხმა? ნეტა ნახოს, მე ამას არ ვამბობ ნიშნისმოგებით, და ნამდვილად არ მიხარია. რა უნდა გვიხაროდეს გზები სავსეა გადაყრილი მანდარინით", - განაცხადა მიხეილ სააკაშვილმა.
