,,თბილის მიკროავტობუსის" გლდანის ავტოპარკში ქონებას აღსრულების ეროვნული ბიუროს წარმომადგენლები აყადაღებენ. როგორც ,,ჯი-ეიჩ-ენთან" საუბარში აღსრულების ეროვნული ბიუროს პრესსამსახურის ხელმძღვანელმა ბესიკ ლილუაშვილმა განაცხადა, აღსრულების ბიუროში შემოსულია სააღსრულებლო ფურცელი, რომლის საფუძველზე კრედიტორია ,,თიბისი ბანკი", მოვალე კი კომპანია ,,თბილაინი".
"ირკვევა, რომ კომპანია "თბილაინს" აქვს საკრედიტო დავალიანება "თიბისი ბანკის" მიმართ დაახლოებით 2 მლნ ევრო. ამ დროისათვის მიმდინარეობს ჩვეულებრივი სააღსრულებლო პროცესი. ანუ მიმდინარეობს „თბილაინის" ბალანსზე არსებული მოძრავი ქონების მცირე ნაწილის დაყადაღება, დალუქვა. საუბარია 153 ერთეულ მიკროავტობუსზე"- განმარტავს ბესიკ ლილუაშვილი. მისივე ინფორმაციით, თუ კი კომპანია „თბილაინი" დავალიანებას ვერ დაფარავს, მაშინ მისი დაყადაღებული ქონების ზუსტი შეფასება მოხდება და ქონების გავა აუქციონზე და გაიყიდება
