დღეს, 31 იანვარს, 12:00 საათზე ბათუმში სასტუმრო ,,ბათუმის შერატონში" სოფლის მეურნეობის მინისტრის მოადგილე დავით ნატროშვილი, USAID-ის მისიის ხელმძღვანელი სტივენ ჰაიკინი, აჭარის სოფლის მეურნეობის მინისტრი ზაურ ფუტკარაძე და USAID-ის EPI-ს პროექტის ხელმძღვანელი თინა მენდელსონი „მანდარინის ფორუმს" დაესწრებიან.
სოფლის მეურნეობის სამინისტროს ინფორმაციით, ფორუმის მონაწილეები იმსჯელებენ და განიხილავენ ყველა იმ ძირითად საკითხს, რომელიც საქართველოში ციტრუსის წარმოებასა და რეალიზაციას შეუწყობს ხელს. ეს არის - ციტრუსის გადამამუშავებელი საწარმოების შექმნა, საექსპორტო ბაზრების მიმოხილვა, ექსპორტის გამოცდილება და ხელშეწყობა, საქართველოში ციტრუსის წარმოების პოტენციალი, თანამედროვე ტექნოლოგიები და პრაქტიკა, ფერმერთა კოოპერაციების განვითარება და სხვა.
ფორუმი ამერიკის შეერთებული შტატების განვითარების სააგენტოს (USAID) ეკონომიკური აღმავლობის ინიციატივის (EPI) პროექტის ეგიდით ჩატარდება.
