დუბაიში შეყვარებულ წყვილს უხამსი საქციელის ბრალდებით ერთი წლით თავისუფლების აღკვეთა მიესაჯა.
ადგილობრივი მაკდონალდის თანამშრომლები 25 წლის ინდოელი და ფილიპინელი შეყვარებული წყვილი პოლიციამ ქალაქის ერთ-ერთ პლიაჟზე - საზოგადოებრივ ადგილას უხამსი საქციელის ბრალდებით დააპატიმრა და 1 წლით თავისუფლების აღკვეთა მიუსაჯა. სასჯელის დასრულების შემდეგ მათ დეპორტაცია ელოდება.თ
დუბაის პოლიციას ქალმა მიმართა. მან პოლიციას მოუთხრო იმის შესახებ, რომ მისმა შვილმა სანაპიროზე დაინახა როგორ ეხვეოდა და კოცნიდა შეყვარებული წყვილი ერთმანთს "თითქმის ერთი საათის" განმავლობაში.
"მე შოკირებული ვიყავი, იმით თუ როგორ პოზაში იჯდნენ გეგონებოდა თითქოს სასიყვარულო ურთიერთობით იყვნენ დაკავებული", - განაცხადა ქალმა და დააზუსტა, რომ არცერთი მათგანი არ იყო გახდილი.
თავად შეყვარებულები კატეგორიულად უარყოფენ დანაშაულს. მამაკაცმა განუმარტა პოლიციას, რომ მან თავის თანამგზავრს ხელოვნური სუნთქვა ჩაუტარა, რადგან მის შეყვარებულს ასთმის შეტევა დაემართა. შეყვარებულება აღიარეს, რომ იმ დღეს მათ ალკოჰოლი მიიღეს, რომელიც ლიცენზიის გარეშე იყიდეს, რაც დუბაიში კანონის დარღვევად ითვლება.
მიუხედავად განმარტებისა, დუბაის სასამართლო საკუთარ აზრზე დარჩა, დაკავებულ უცხოელებს 12 თვით პატიმრობა და ალკოჰოლის არალეგალური შეძენისთვის ჯარიმა ერთი ათასი დრაჰმა დააკისრა.
