სოფლის მეურნეობის განვითარების ფონდი სასოფლო-სამეურნეო პროექტების მართვის სააგენტოდ გადაკეთდა.
როგორც სააგენტო „ჯი-ეიჩ-ენს" სოფლის მეურნეობის სამინისტროში განუცხადეს, მოხდა ფორმალური ცვლილება და ფონდს სახელი გადაერქვა.
სამინისტროში განმარტავენ, რომ ფონდი სწორედ რომ სხვადასხვა პროექტების განხორციელებაზე მუშაობდა და იმის გამო, რომ იქმნება სოფლის მეურნეობის განვითაარების 1 მილიარდიანი ფონდი, სამინისტროს მიზანშეწონილად ჩათვალა, უკვე არსებული ფონდისთვის სახელი შეეცვალა, რათა სამომავლოდ სახელების აღრევა არ მომხდარიყო.
სოფლის მეურნეობის სამინისტროში აცხადებენ, რომ განხორციელებული ცვლილება არ შეეხება და არ აისახება ფონდის მენეჯმენტზე და სააგენტოში რაიმე რეორგანიზაცია დაგეგმილი არ არის.
