საბანკო სექტორში განთავსებული არასაბანკო დეპოზიტების მოცულობა 2012 წლის დეკემბერში 202.1 მლნ ლარით ანუ 2.7 პროცენტით გაიზარდა და მიმდინარე წლის პირველი იანვრისათვის 7.6 მლრდ ლარს გადააჭარბა. ამავე პერიოდში მოთხოვნამდე დეპოზიტები 100.9 მლნ ლარით (3.2 პროცენტით) გაიზარდა, ხოლო ვადიანი დეპოზიტები - 101.1 მლნ ლარით (2.4 პროცენტით).
დეპოზიტების დოლარიზაციის კოეფიციენტმა მიმდინარე წლის პირველი იანვრისათვის 64.08 პროცენტი შეადგინა - 1.78 პროცენტული პუნქტით ნაკლები წინა წლის პირველი დეკემბრის მდგომარეობასთან შედარებით.
ვადიან დეპოზიტებზე საშუალო წლიურმა შეწონილმა საპროცენტო განაკვეთმა 8.5 პროცენტი შეადგენა, მათ შორის ეროვნული ვალუტით განთავსებულ დეპოზიტებზე - 9.4 პროცენტი, ხოლო უცხოური ვალუტით განთავსებულ დეპოზიტებზე - 8.3 პროცენტი.
უცხოური ვალუტით განთავსებულ დეპოზიტებში აშშ დოლარის წილმა 80.2 პროცენტი, ხოლო ევროს წილმა 17.1 პროცენტი შეადგენა.
