საფრანგეთის ხელისუფლებამ უარი თქვა გეგმებზე, ე.წ. მდიდრების გადასახადთან დაკავშირებით, რის გამოც ქვეყნის დატოვების შესახებ საფრანგეთის ყველაზე მდიდარმა ადამიანმა, ბერნარ არნომ განაცხადა. არნო მფლობელია ისეთი ბრენდებისა, როგორებიცაა Louis Vuitton, Guerlain და Hennessy. ქვეყანა ცოტა ხნის წინ დატოვა ჟერარ დეპარდიემაც.
როგორც ცნობილია, პრეზიდენტმა ფრანსუა ოლანდმა საზოგადოებას განუცხადა, რომ იმ ადამიანებს, რომლებიც ფლობენ 1 მილიონ ევროზე მეტ ქონებას, საკუთარი შემოსავლების 75 პროცენტის გადახდა მოუწევდათ, რასაც უკმაყოფილოები საკმაოდ გამოუჩნდნენ. გასული წლის მიწურულს კი, საფრანგეთის საკონსტიტუციო სასამართლომ უკანონოდ ცნო მთელი რიგი ნორმები ბიუჯეტის კანონთან დაკავშირებით, რომელიც სოციალისტი პრეზიდენტის, ფრანსუა ოლანდის მიერ იყო ინიცირებული. თუმცა, ხელისუფლებამ განაცხადა, რომ უკან დახევას არ აპირებს და ცვლილებების შეტანის შემდეგ, ახალ ბიუჯეტს წარმოადგენს.
ყველა შემთხვევაში, საფრანგეთის მედია იწმუნება, რომ 75 პროცენტიანი გადასახადი, უკვე ისტორიაა, მიუხედავად იმისა, რომ ამ კანონს ქვეყნის მოსახლეობის 61 პროცენტი უჭერდა მხარს. სამაგიერად, ამ ახალი ინიციატივს შემდეგ, ოლანდს საფრანგეთის საქმიან სამყაროსთან სერიოზული პრობლემები გაუჩნდა.
