სტამბოლში მსოფლიოში ყველაზე დიდი აეროპორტი აშენდება. ამის შესახებ თურქეთის ტრანსპორტის მინისტრმა, ბინალი იილდრიმმა განაცხადა. მინისტრის თქმით, ახალი აეროპორტი 77 მილიონ კვადრატულ მეტრზე, სტამბოლის ევროპულ ნაწილში, შავი ზღვის სანაპიროს გასწვრივ განთავსდება. მისი ტევადობა 150 მილიონი მგზავრი იქნება წელიწადში.
პროექტში მონაწილეობის მისაღებად, ხელისუფლება 3 მაისს აუქციონის გამართვას გეგმავს. აუქციონის გამარჯვებული, რომელიც აეროპორტს ააშენებს, ასევე, მიიღებს უფლებას მართოს ის 25 წლის განმავლობაში. ტრანსპორტის სამინისტროში პროგნოზირებენ, რომ პროექტის ღირებულება 5,6 მილიარდ დოლარამდე დაჯდება.
აეროპორტი, სავარაუდოდ, 2016 წელს, მშენებლობის პირველი ფაზის დასრულების შემდეგ გაიხსნება, როდესაც მისი ტევადობა 100 მილიონ მგზავრს შეადგენს.
