2013 წლის 23 იანვარს საგანგებო სიტუაციების მართვის დეპარტამენტის სამაშველო რეაგირების და მომზადების ბაზაზე სამთო-სამაშველო, წყალზე-სამაშველო, სამედიცინო აღჭურვილობა და სამაშველო ფორმები ქუთაისის, ფოთის, ზესტაფონის, ჩხოროწყუს, სენაკის, ამბროლაურისა და ონის მუნიციპალიტეტების სახანძრო-სამაშველო სამსახურებს საჩუქრად გადაეცათ.
ღონისძიება, საგანგებო სიტუაციათა მართვის დეპარტამენტის, ფონდ „Cultura Mentis" და „საქართველოს სპელეოლოგთა კავშირის თანამშრომლობის საფუძველზე შემუშავებული პროექტის - „უსაფრთხოდ საქართველოში" ფარგლებში, განხორციელდა. პროექტის თანადამფინანსებელია პოლონეთის რესპუბლიკის საგარეო საქმეთა სამინისტრო.
აღჭურვილობის გადაცემა შინაგან საქმეთა სამინისტროს საგანგებო სიტუაციების მართვის დეპარტამენტის სამაშველო რეაგირების და მომზადების ბაზაზე გაიმართა.
