უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთი ფედერაციის მიერ ბელარუსის ტერიტორიაზე საეჭვო ქმედებებს აქვს ადგილი.
„ამ ზაფხულს რუსეთი იქ სამხედრო წვრთნების საფარქვეშ რაღაცას ამზადებს“, - განაცხადა ზელენსკიმ ვარშავაში ევროკავშირის რამდენიმე ქვეყნის საგარეო საქმეთა მინისტრების არაფორმალურ შეხვედრაზე.
"ბელარუსს შეხედეთ. რუსეთი რაღაცას ამზადებს იქ, ამ ზაფხულს, სამხედრო წვრთნების საფარქვეშ და, როგორც წესი, ისინი ახალ იერიშს ამგვარად იწყებენ, მაგრამ არ ვიცი, თუ სად მოხდება ეს: უკრაინაში, ლიეტუვაში, პოლონეთში. ღმერთის წყალობით არ მოხდება, მაგრამ ყველას გვესაჭიროება, რომ მზად ვიყოთ". - თქვა ზელენსკიმ.
რუსეთმა და ბელარუსმა მანამდე განაცხადა, რომ ისინი მიმდინარე წლის სექტემბერში.ერთობლივ სამხედრო წვრთნებს ჩაატარებენ
ვარშავაში „სამი ზღვის ინიციატივის“ შეხვედრა მიმდინარეობს, რომელშიც მონაწილეობას იღებენ პოლონეთის, ავსტრიის, ბულგარეთის, ხორვატიის, ჩეხეთის რესპუბლიკის, ესტონეთის, საბერძნეთის, უნგრეთის, ლატვიის, ლიეტუვის, რუმინეთის, სლოვაკეთის და სლოვენიის საგარეო საქმეთა მინისტრები.
