22 იანვარს, საქართველოს ენერგეტიკისა და ბუნებრივი რესურსების მინისტრი კახა კალაძე ქვესადგურს „დიდუბე-220" ესტუმრა. ის შეხვდა „საქართველოს სახელმწიფო ელექტროსისტემის" თამამშრომლებს და სარეაბილიტაციო სამუშაოების მიმდინარეობას გაეცნო.
220 კილოვოლტიანი ქვესადგური "დიდუბე-220", ერთ-ერთი საკვანძო ქვესადგურია, "საქართველოს სახელმწიფო ელექტროსისტემის" კუთვნილ ქვესადგურებს შორის, საიდანაც დედაქალაქის უდიდესი ნაწილი მარაგდება. 2010 წლის 3 დეკემბრიდან ქვესადგურში დაიწყო, როგორც სამშენებლო, ასევე ელექტრული ნაწილის სარეკონსტრუქციო სამუშაოები. ჩატარებულმა სარეაბილიტაციო სამუშაოებმა მნიშვნელოვნად აამაღლებს ქვესადგურის იმედიანობა და გაიზრდება იქ მომუშავე პერსონალის უსაფრთხოება.
წელსვე იგეგმება, ქვესადგურში თანამედროვე მოწყობილობების დამონტაჟება, რაც უზრუნველყოფს მომხმარებლისთვის მაღალი ხარისხის ელექტროენერგიის მიწოდებას. ამჟამად, აქტიურად მიმდინარეობს პირველადი მოწყობილობების სრული რეაბილიტაცია. 35 კვ-იანი ღია გამანაწილებელი მოწყობილობა მთლიანად იცვლება დახურული გამანაწილებელი მოწყობილობით. 2013 აპრილის თვეში უკვე დასრულდება 220/110/35კილოვოლტის უჯრედების მართვისა და დაცვის მეორეადიმოწყობილობების მონტაჟი და გაშვება.
აღნიშნული სამუშაოების დასრულების შემდეგ, საქართველოს ენერგოსისტემას კიდევ ერთი რეაბილიტირებული ქვესადგური შეემატება. რომლის მართვაც შესაძლებელი იქნება ეროვნული სადისპეტჩეროდან.