ქართული მხარე ყახაზეთში ქართული ღვინისა და მინერალური წყლის ადგილწარმოშობის დასახელებების რეგისტრაციის საკითხს განიხილავს. როგორც სააგენტო „ჯი-ეიჩ-ენს" „საქპატენტიდან" აცნობეს, ამ მიზნით, 24-25 იანვარს „საქპატენტის" დელეგაცია, თავმჯდომარის ირაკლი ღვალაძის ხელმძღვანელობით სამუშაო ვიზიტით ყაზახეთის რესპუბლიკაში მიემგზავრება. ქართული დელეგაცია გამართავს შეხვედრებს ყაზახეთის რესპუბლიკის საპატენტო უწყების ხელმძღვანელ პირებთან. შეხვედრაზე განხილული იქნება ქართული ღვინისა და მინერალური წყლის ადგილწარმოშობის დასახელებების რეგისტრაციის საკითხები.
„ყაზახეთის რესპუბლიკაში ქართული პროდუქციის მაღალი საექსპორტო მაჩვენებლის გამო, „საქპატენტის" მიერ განაცხადები რეგისტრაციაზე გასულ წელს იქნა წარდგენილი. აღნიშნული დასახელებების დაცვა ყაზახეთის რესპუბლიკის ტერიტორიაზე ხელს შეუწყობს ქართული პროდუქციის პოპულარიზაციას და ცნობადობის გაზრდას, ამასთან, თავიდან იქნება აცილებული პროდუქციის ფალსიფიკაციისა და დასახელებების უკანონო გამოყენების ფაქტები"- განმარტავენ „საქპატენტში".
მასალის გამოყენების პირობები
