2013 წელს, მსოფლიოში უმუშევრობის ზრდა რეკორდულ მაჩვენებელს მიაღწევს. ამის შესახებ ინფორმაციას სააგენტო „ფრანსპრესი" მსოფლიო შრომის ორგანიზაციის მოხსენებაზე დაყრდნობით წერს. ეს ორგანიზაცია გაეროს შემადგენლობაში შედის. შრომის საერთაშორისო ორგანიზაციის პროგნოზით, წელს უმუშევრების რიცხვი მთელ მსოფლიოში 202 მილიონი ადამიანით გაიზრდება.
2007 წლის ეკონომიკური კრიზისიდან მოყოლებული, უმუშევრობა მთელ მსოფლიოში 28 მილიონით გაიზარდა, ხოლო გასულ წელს მან 197 მილიონი შეადგინა. გაეროს პროგნოზით, პლანეტას ამ მხრივ კიდევ უფრო ცუდი მდგომარეობა 2014 წელს ელის და მაჩვენებელი კიდევ სამი მილიონით გაიზრდება, ხოლო 2017 წელს, ეს რიცხვი 210,6 მილიონ ადამიანს მიაღწევს.
მოხსენების ავტორები აცხადებენ, რომ ყველაზე დაუცველი ნაწილი მოსახლეობაში, ამ მხრივ, 24 წლამდე ასაკის მოსახლეობაა, რომელთა შორისაც სამსახური მხოლოდ 13 პროცენტს აქვს. განვითარებულ ქვეყნებში, საზოგადოების უმუშევარი ნაწილის მესამედს მუდმივი სამსახური უკვე ერთ წელზე მეტია არ აქვს, რაც საგანგაშო მაჩვენებელია.
