ფინანსთა მინისტრი ნოდარ ხადური ,,ნაციონალური მოძრაობის" გენერალურ მდივანს ივანე მერაბიშვილს დებატებში საზოგადოებრივი მაუწყებლის ეთერში დღეს საღამოს, 22:00 საათზე ელოდება. როგორც ჟურნალისტებთან ხადურმა განაცხადა საბიუჯეტო კრიზისი ამ ეტაპზე არ არსებობს.
"თუ "ნაციონალურ მოძრაობას" ერთი კვირა სჭირდება მოსამზადებლად, მაშინ მზად ვართ ერთ კვირაშიც მივიღოთ მონაწილეობა დებატებში. საბიუჯეტო კრიზისი ამ ეტაპზე არ არსებობს, ფინანსთა სამინისტროს ბიუჯეტი 400 მილიონი ლარია. არც ერთი წუთით არ დაგვიანებულა რომელიმე გასაცემის გაცემა", -განაცხადა ხადურმა.
მისივე განმარტებით, დღეს საღამოს ამ თემაზე დაწვრილებით ისაუბრებს "საზოგადოებრივ მაუწყებელზე" დავით პაიჭაძის გადაცემაში, რომელში მონაწილეობის მისაღებადაც ვანო მერაბიშვილსაც იწვევს.
შეგახსენებთ, რომ ივანე მერაბიშვილმა და ნოდარ ხადურმა ქვეყანაში შექმნილ ეკონომიკურ მდგომარეობაზე სასაუბროდ დებატებში გამოიწვიეს. ,,რუსთავი-2"-ის ინფორმაციით, დებატები სამშაბათს ,,რუსთავი- 2 -ის" ეთერში უნდა გამართულიყო.
