2013 წელს, რეგიონული განვითარებისა და ინფრასტრუქტურის სამინისტრო რამდენიმე მასშტაბურ ინფრასტრუქტურულ პროექტს განახორციელებს. როგორც დღეს რეგიონული განვითარებისა და ინფრასტრუქტურის მინისტრმა დავით ნარმანიამ 2013 წლის სამოქმედო გეგმის წარდგენისას განმარტა სამინისტრო 2013 წელს რამდენიმე, მნიშვნელოვან, მასშტაბურ ინფრასტრუქტურულ პროექტზე 180 მლნ ლარით მეტს დახარჯავს, ვიდრე ეს 2012 წელს იყო განსაზღვრული.
,,ინფრასტრუქტურული პროექტები, რომელიც 2013 წელს განხორციელდება 180 მილიონი ლარით მეტი თანხის დახარჯვაა შესაძლებელი, ვიდრე 2012 წელს იქნა დახარჯული. 2013 წელს ჩვენ შესაძლებლობა გვექნება 900 მილიონი ლარი დავხარჯოთY სამინისტროს ცალკეულ მიმართულებებზე. დაგეგმილია უფრო მეტი საავტომობილო გზების მშენებლობა, ვიდრე 2012 წელს იქნა გაკეთებული, როგორც ავტომაგისტრალის მშენებლობის კუთხით, ასევე შიდასახელმწიფოებრივი გზების მშენებლობის თვალსაზრისით. ჯამში 250 კილომეტრამდე გზა გაკეთდება", -განაცხადა ნარმანიამ და აღნიშნა, რომ 2013 წელს დაგეგმილია 50 მუნიციპალიტეტში წყალმომარაგების სისტემის გაუმჯობესება, დაიწყება რეგიონული ნაგავსაყრელების მართვის პროცესი. როგორც ნარმანიამ გამარტა კახეთსა და იმერეთში ტურისტული ინფრასტრუქტურის მოწესრიგება დაიწყება და დევნილთა საცხოვრებელი პირობების გასაუმჯობესებლად რამდენიმე მასშტაბური პროექტი განხორციელდება.
