პატრიარქის საიუბილეო თარიღებთან დაკავშირებით, საპატრიარქოს ,,ქართულ უნივერსიტეტში" მიმდინარე კონფერენციას პარლამენტის თავმჯდომარე დავით უსუფაშვილი ესწრება. პარლამენტის თავმჯდომარე კონფერენციაზე სიტყვით გამოვიდა და პატრიაქის დამსახურებასა და ღვაწლზე ისაუბრა.
,,უწმინდესმა და უნეტარესმა თავისი ღვაწლით, თავისი შრომით, შეძლო ის, რომ ამ საიუბილეო დღეებს არა მხოლოდ ქართული საზოგადოება ზეიმობს", _ განაცხადა უსუფაშვილმა.
შეგახსენებთ, რომ პატრიარქის დაბადებიდან 80 წლისა და აღსაყდრებიდან 35 წლის იუბილესთან დაკავშირებით ,,ქართულ უნივერსიტეტში" კონფერენცია მიმდინარეობს, რომელსაც მსოფლიო პატრიარქთან ერთად, სერბეთის, ბულგარეთის, ალექსანდრიის, კონსტანტინეპოლის, რუსეთის, ჩეხეთის მართლმადიდებელი ეკლესიების წინამძღოლები და მღვდელმთავრები ესწრებიან.